Tali, Little Bossing sa school!
Ang cute naman ng daughter nina Pauleen Luna at Vic Sotto na si Tali sa kanyang Halloween costume.
Nag-ala Princess Jasmine siya mula sa Walt Disney’s Aladdin suot ang turquoise off-shoulder and harem pants outfit.
Lutang naman ang pagiging stage mom ni Pauleen at dinisplay niya ang mga litrato ng panganay na anak sa social media.
Talagang nag-effort ang mommy ni Tali sa kanyang outfit at may suot pa itong wig sa photos nito.
Caption ni Pauleen, “As Princess Jasmine for their school’s Halloween celebration.”
Nakita naman ng netizens sa in-upload ni Pauleen na mga litrato habang nagti-trick or treat ito ang malaking pagkahawig nito sa daddy Vic niya at tinawag pa siyang “Little Bossing.” Meron daw kasi itong litrato kung saan kamukhang-kamukha raw nito ang tatay niya nung bata pa rin ito.
Kasalukuyan namang buntis ang misis ni Bossing sa second baby nila na isisilang first quarter next year.
Kaya naman excited ang fans kung sino naman ang magiging kamukha ng kapatid ni Tali.
- Latest
