Alden at Bea, nagkaroon ng ‘personality clash’?!
Deal sa pagtatambalang pelikula ‘di na nga ba tuloy?
Hindi na raw talaga matutuloy ang supposedly ay pagbibidahang pelikula nina Alden Richards and Bea Alonzo ayon sa narinig kong usap-usapan.
Though wala pang official statement tungkol dito.
Unless mag-deny ang kampo nina Alden and Bea.
Pero waley na raw talaga ‘yun, as of presstime.
May naganap daw na ‘personality clash/es’ na ang meaning ay ‘a disagreement between people with different personalities.’
Nangyari raw ito sa taping noong papa-ending na ang kanilang kauna-unahang tambalan sa local adaptation ng Korean hit series na Start-Up ng Kapuso Network.
Maaalalang noong 2021 ay pumirma sina Alden at Bea ng isang deal para sa pelikulang pinamagatang Special Memory na Pinoy adaptation ng Japanese TV drama na Pure Soul, na pinagmulan din ng 2004 South Korean movie na A Moment To Remember.
Magiging busy na Alden sa pelikulang gagawin nila ni Julia Montes na Five Break-Ups And A Romance.
Wala pang nababanggit kung anong pelikula ang sisimulan ng actress.
Sino kayang magde-deny tungkol dito? Chika lang naman ito at sila ang nakakaalam ng buong katotohanan.
Mga producer ng Summer Filmfest, ‘di nabawi ang puhunan
Ang laki raw ng lugi ng mga producer sa ginanap na Metro Manila Summer Film Festival.
Parang 10 to 20% lang daw ng kanilang gastos ang kinita ng ibang pelikula habang ang iba ay talagang nauwi sa wala ang puhunan.
Unless daw bilhin ito sa streaming platform na ngayon din daw ay nambabarat na dahil ang dami na ring available titles.
May isang pelikula raw na ang ginastos ay P30 million pero more than P5 million lang ang bumalik sa kanila.
Wala raw dun ang tax.
Paano pa ‘yung share ng mga sinehan?
Talagang malungkot ang kapalaran ng mga pelikulang ipinalalabas sa mga sinehan lately.
Walo ang official entries sa MMSFF na nagsimulang ipalabas sa mga sinehan noong April 8.
- Latest
