"Dahan-Dahan" sa Lola Amour

Nagpungasi nga gugma nga ipahimutang sa haom nga panahon.

Mao kini ang usa sa nagpahipi nga mensahe sa latest single sa  Lola Amour mga  “Dahan-Dahan.”

Nasayran nga ni-click dayon ang maong awit sukad kini gi-release sa miaging semana.

Nasayran  nga usa sa gikabisihan karon  sa maong OPM indie band mao ang ilang  Fallen Concert Tour.

Ang maong banda gilangkoban nila ni  Pio Dumayas (vocalist),  Raymond King + bassist),   David Yuhico (keyboardist), Zoe Gonzales (guitarist) ug Angelo Mesina (trumpeter).

Madungog ang  “Dahan-Dahan” sa  Spotify ug  Apple Music inubanan sa  official visualizer sa maong kanta.

Matud pa ni Pio nga gihangop dayon sa ilang fans ang maong awit sanglit daghan gyud ang naka-relate niini ilabi na kadtong nagbuwag apan nagbalik rapud sa saktong panahon.

Ang Dahan-Dahan  maoy katapusang kanta sa La Amour nga gi-release karong tuiga,  ug ilaha na karon nga gipangandaman ang mga nakalinya nila nga kanta alang sa 2023.

Pipila sa ilang mga awit nga nag-viral kaniadto mao ang  “Pwede Ba” ug “Fallen”.

Gipaluyohan sa  Warner Music Philippines ang maong banda.

Gihugopan usab sa ilang fans ang pagtikang nila dinhi sa Sugbo niadtong Sabado ug Dominggo  didto sa Ayala Center Cebu ug Ayala Central Bloc. (Sanden J. Anadia)

Bea protektado sa GMA-7

Niisyu og  official statement ang home network ni Bea Alonzo  nga GMA-7 isip pagpakita og dakong suporta sa aktres.

Matud pa sa maong network  nga gihatagan  gyud nila og saktong pag-atiman  ang ilang mga artista  ug dili sila makatugot nga daoton kini.

Malipayon ang GMA-7 sa init nga pagdawat sa viewers sa gibidahang teleserye ni Bea nga  Start-Up PH kun diin kapares niini si Alden Richards.

"Maliit ang industriya ng show business, hangad namin ang masaya, mabuti, at maayos na pakikitungo sa bawat isa," suma pa sa GMA-7. (Sanden J. Anadia)

Nagkalig-on nga relasyon

Mapasalamaton si Andrea Brillantes sa publiko  gumikan sa mainitong pagdawat niini sa relasyon nila ni Ricci Rivero  nga usa sa iyang mga inspirasyon sa trabaho. Dili hinoun malikayan nga dunay manaway kanila apan kever ra siya niini. Matud pa sa aktres nga ang labing importante nga malipayon sila sa usag-usa. Balik-Pilipinas si Andrea  human sa pipila ka adlaw niya nga pag-istar sa  Thailand  alang sa shooting sa  iyang  international project.  (Sanden J. Anadia)

Luis aktibo sa pagtabang

Pipila na ka higayon nga nagpadala og hinabang si Luis Manzano sa mga tawong nanginahanglan og tabang  nga gi-feature sa programa ni Jessica Soho nga  "Kapuso Mo Jessica Soho".

Base sa Facebook post sa maong show,  niduaw si Luis sa taping  sa KMJS sa miaging adlaw.

"Lingid po sa kaalaman ng marami, nagkakatapat man dati ang aming mga programa, ilang beses nagpaabot ng tulong si Luis sa mga itinampok naming nangangailangan.Muli, maraming salamat Luis!," tipik sa FB post sa KMJS. (Sanden J. Anadia)

Fans sa JaDine gikilig

Bisan taod-taod na nga nahanaw ang tandem nila ni James Reid ug Nadine Lustre , pipila gihapon sa ilang fans ang naghandom nga magkauban og balik sa usa ka proyekto ang ilang mga idolo.

Gani gikilig kini og maayo sa dihang nilenggua si James nga ang sinuwat niya nga kanta nga nag-ulohan og  'Always Been You,' kay alang sa iyang ex-girlfriend nga si  Nadine Lustre.

Busy karon si James sa iyang music career , samtang si Nadine kay malipayon usab sa iyang negosyante nga boyfriend. (Sanden J. Anadia)

Ipasalida sa Spain

Duha ka mga pelikula ni Direk Mac Alejandre ang nalakip sa  mga motigi sa  Asian Film Festival didto  Barcelona, Spain ug kini nalangkob sa “May-December-January” ug “Silip sa Apoy”. Malipayon si Direk Mac gumikan kay  dakong garbo  alang kaniya nga malakip sa usa ka festival ang iyang mga ginama nga pelikula. Tungod sa maong kalamboan,  mas modaghan pa ang motan-aw sa iyang mga  produkto.