Matud pa ni kanhi Viva Artist Agency talent Stacey Gabriel nga ang iyang kaugalingon ra maoy iyang gitan-aw nga kakumpetinsya sa nagsingabot nga Bb. Pilipinas, diin siya maoy candidate #1 sa 40 ka mga kandidata nga nagtinguha nga makaangkon og korona gikan sa maong pageant.
Kini maoy iyang tubag dihang gipangutana kun nahulga ba siya kang Herlene “Hipon Girl” Budol. Matud ni Stacey sila tanan adunay dakong kahigayonan nga makaangkon og usa sa upat ka mga korona sanglit dili basta-basta ang screening nga ilang giagian aron mamahimong official candidate.
Bisan kinsa niya pa angayan nga modaog, apan dili niya batasan nga itandi ang iyang kaugalingon ngadto sa uban.
Higala niya si Herlene ug malingaw siya niini, apan makigtigi lamang siya sa iyang kaugalingon. Kanhi nilugwa si Stacey sa La Luna Sangre ug FPJ’s: Ang Probinsyano sa ABS-CBN. Nalakip sab siya sa A Day After Valentine’s sa Viva Films niadtong 2018, diin bida sila si Bela Padilla ug JC Santos.