Alden at Bea, nagkahawahan ng virus!

Ahh nagka-covid din pala si Alden Richards kaya natigil ang taping ng local version ng Start-Up.  At nahawa diumano si Bea Alonzo kaya kailangang mag-quarantine ng buong cast and staff ng Start-Up na supposedly ay mapapanood starting July.

Nagkaroon daw si Alden pagkagaling sa New York.

Kung sabagay parang karaniwang sipon na lang ngayon ang covid-19.

Mild na lang lalo na kung bakunado, kaya nag-isolate lang daw sila Alden.

Next week daw ay magre-resume na sila ng taping.

Ang Start-Up sana ang first teleserye ni Bea sa GMA 7 na one year na sa GMA this July.

Actress, nadiskubre ang nakaraan ng aktor

Wow, super duper in love pala talaga ang isang baguhang actress sa karelasyong actor.

Ito ay kahit na nga nagkaroon diumano sila ng lover’s quarrel recently ayon sa isang source.

Nag-post ng cryptic message ang actress at ikinokonek ito sa sinasabing naging LQ nila.

Nalaman kasi diumano ng actress ang past love ng actor na ang duda ng iba ay ang tungkol ito sa dalawang ‘controversial’ ex ng actor na isang producer at businessman.

Actually, nawindang daw si beauty queen / actress sa mga nalaman niya at pakiramdam daw nito ay iniintriga ang kanilang relasyon dahil bakit kailangan pang ungkatin ang nakaraan ng actor. Na kinumpirma pa raw sa actress ng isang kapamilya ng actor.

Ayon pa sa source, nakita pa si actress sa BGC na naglala­kad na mag-isa at parang wala sa sarili.

Pero obviously, nagkabalikan din naman ang dalawa at tuloy ang kanilang pagmamahalan.