Hipon Girl, bida na sa rom-com series!

Sosyal ang social media personality and comedienne na si Herlene Budol. May very first starring role siya sa digital series na Ang Babae sa Likod ng Face Mask.

Popularly known as Hipon Girl, natural ang kakikayan ni Hipon Girl at nakatulong ang naging regular exposure niya sa Wowowin.

Now she takes on a lead role in Puregold Channel’s second digital series, Ang Babae sa Likod ng Face Mask.

“Napaka-exciting na opportunity ang ibinigay ng Puregold sa akin,” Herlene gushes. “Nakilala ako bilang co-host at sa aking sariling YouTube show. Ngayon naman, gusto ko ipakita sa lahat ng followers at Hipona­tic suppor­ters ang kakayahan ko bilang isang leading lady.”

Kuwento ito ng isang 25 anyos na cashier na si Malta na nagsusumikap para suportahan ang kanyang ina, si Madam Baby, na ginagampanan ni Mickey Ferriols.

Isang araw sa trabaho, nakilala ni Malta ang guwapo ngunit brokenhearted na na si Sieg, na ginampanan ni Kit Thompson.

Love at first sight ito para kay Sieg, na natulala sa mga mata ni Malta.

At dito mag-uumpisa ang kuwento kung paano mahahanap nina Malta at Sieg ang pag-ibig and overcome their doubts and insecurities, and break the negative cycles of their past.

Mapapanood ang digital series for free on YouTube Puregold Channel every Saturday, 6 p.m., beginning March 26, 2022, produced by award-winning filmmaker Chris Cahilig, and directed by critically-acclaimed Victor Villanueva.

Singer, ayaw gumastos sa kampanya

Ngarag na ang hitsura ng mga kumakandidato sa national position.

Pagod na pagod na sila sa kakaikot sa iba’t ibang probinsya.

Hindi naman talaga madali ang mag-ikot ngayon dahil ingat pa rin ang iba na mahawa ng COVID kahit parang ordinaryong sakit na lang ito.

Bawal pa ring magkasakit.

Lalo pa ngayon na hindi mo na alam kung sino ang unvaccinated sa rami ng mga tao sa rally.

At may mga establishment na rin na hindi na hina­hanap ang vaccination card at hindi nagtse-check ng temperature.

But anyway, ilang linggo na lang at election na at malalaman na ang kapalaran ng ating bayan.

 Active ang ‘showbiz’ sa kampanya, pero marami ring umiiwas dahil sa personal choice nila.

Tulad ng isang singer na malapit sa isang kumakandidato sa national position pero hindi naman siya puwedeng lumantad para ikampanya ito dahil iba ang gusto niyang iboto.

So ang ginagawa na lang daw ni singer, mag-post nang mag-post ng mga ginagawa niya para malaman nilang busy siya at ayaw makisali sa kampanya lalo na nga at sila pa raw ang malamang na gumastos if ever na sumama sila at umakyat sa stage para mangampanya na ginawa na nila noong nakaraang eleksyon.

May freedom naman ang lahat to choose so walang pilitan.