MANILA, Philippines — Ilang buwan nang wala — 'yan ang sinabi ang aktres na si Arci Muñoz tungkol sa estado ng pakikipagrelasyon sa negosyanteng nobyo na si Anthony Ng.
Kanyang pagkukumpirma sa ulat ng ABS-CBN, walang cheating incident na nangyari.
"No, no. Nothing like that po," sabi niya sa press conference ng bagong Kapamilya serye na "Pamilya Ko" ngayong araw.
Una na niyang sinabi na dalawa sa mga naging kasintahan niya noon ang nanloko na sa kanya.
Pinasinungalingan din niyang naimpluwensyahan ng magulang ang desisyong pakikipaghiwalay.
"Wala po… Pero siyempre kasi nga, ‘pag magulang ka, gusto mo talaga ‘yung best best best. I understand my mom," kanyang pagpapatuloy.
Si Anthony ay kilala ring dating naging boyfriend ng kapwa aktres na si Erich Gonzales.
Bagama't hindi niya masasabing magkaibigan pa ng ex, isiniwalat din niyang napagkasunduan nila ito.
Hindi rin niya matiyak sa publiko kung may pag-asa pa silang magkabalikan at sinabing maaaring "hindi lang tama ang panahon." — James Relativo