CEBU, Philippines – Nihangyo sa publiko ang Pinay Victoria’s Secret model nga si Kelsey Merritt nga dili angayan ikumpara ang mga babaye ngadto sa lain pud nga mga babaye.
Nasayran nga dunay bashers si Kelsey kung diin ikumpara siya permi ngadto sa ubang tawo.
“Let’s never pit women against each other. Celebrate each other’s success instead. Spread love!!!,” suma pa sa latest tweet ni Kelsey.
Naanad na si Kelsey sa mga intriga , gani dunay mga higayon nga gikwestyon sa iyang bashers ang iyang pagka-Pinay.
Kahinumdoman nga nikisaw ang pangalan ni Kelsey karong tuiga human siya nahimong kabahin sa fashion show sa Victoria’s Secret didto sa New York.
Usa si Kelsey sa nirampa sa maong event kauban ang mga sikat nga personalidad nga sila si Kendall Jenner, Gigi Hadid, ug Bella Haddid.
Heart balik-teleserye na
Nagmaya ang fans ni Heart Evangelista human niulbo ang taho nga mobalik na sa teleserye ang ilang idolo.
Gikatahong namili na og comeback project si Heart sa GMA-7 human kini ni-renew og laing lima ka tuig nga exclusive contract sa maong network.
Tsika pa ni Heart nga sa sunod tuig ra siya magsugod sa iyang mga proyekto aron makapangandam siya og taman.
Katapusang nilugwa si Heart sa telebisyon pinaagi sa teleseryeng My Korean Jagiya.