Benefits of Water Fasting

So ganahan ka mag-three day water fast after naka basa sa pamaagi nga akong gihisgutan last Sunday dinhi sa atong okRYAN? Again, dili mahimo nga mudiretso og three-day water fast ha, kinahanglan nga magsugod og pipila ka 24-hour water fast for atleast two months aron dili makalitan imong tiyan. And if you’re high blood pressure, ulcer or under medication, consult your doctor first.

Pwes, ari na ta sa health benefits nga atong makuha kun mag-three day water fast ta. Una, sanglit walay gigaling imong digestive system nga pagkaon sulod sa tulo ka adlaw, makapahuway siya, at the time ma-repair ug maayo niya ang iyang kaugalingong sistema. Matangtang ang mga hugaw sa imong lawas sa ingon mas malagsik ug ma-abtik ka.

Ikaduha, ang fasting makapalig-on sa immune system. Gumikan niana, dili ka daling taptan og mga sakit sama sa ubo, sip-on, hilanat, trangkaso ug uban pa. Aduna say mga pagtuon nga mupamatuod nga ang water fasting makapataas sa kinabuhi.

Of course, kun wala kay kaon-kaon sulod sa tulo ka adlaw mu-ubos gyud imong timbang. So yes, fasting is also for weight loss. Pero, mubalik ra sab na imong timbang kun back to normal eating naka. That is why, you should watch what you eat na. Dili naka magpatuyang og kaon aron dili ka muburot og balik.

Samtang nag-fasting ka, mas ila nimo imong kaugalingon. Mas makasabot ka nga mahimo ra gyud diay nga balibaran nimo imong kaugalingon kon mag-crave og something to eat. Samtang nag-fasting sab ka, feeling nimo bright ka, puno ug clear imong mind.

Finally, sa religious aspect, gidasig sab gyud kita nga mag-fasting sanglit mao kini ang panahon for meditation as well as emotional cleansing. Idiskarga nimo ang mga negative vibes. Dili kay ang imong lawas lang ang malimpyohan, hasta sab ang imong hunahuna ug kasingkasing.

There you go! Kun giganahan mo sa health benefits, you go water fasting. Basta, sunda sa gyud akong gisuwat sa sinugdanan niining atong lindog today. Have a blessed Sunday dear okRYANians!