^

PSN Showbiz

Etiquette for Mistresses itudlo na!

Sanden Anadia - Banat

CEBU, Philippines – Idalit sa Star Cinema sugod karong adlawa diha sa mga sinehan ang pelikulang Etiquette For Mistresses nga gibidahan nila ni Claudine Barretto, Iza Calzado, Cheena Crab, Kim Chiu ug  Kris Aquino.

Mao kini ang giisip nga usa sa labing dakong  pelikula nga gigama karong tuiga sa Star Cinema ilabi na nga ubos kini sa direksyon ni Chito Roño ug sinuwat nila ni Kriz Gazmen ug Patrick Valencia.

Ang nahisgutang pelikula nikuha og inspirasyon gikan sa libro nga Etiquette for Mistresses & What Wives Can Learn from Them nga sinuwat ni Julie Yap-Daza mga 20 ka tuig na ang nakalabay.

“Nabasa ko na yung book, pero hindi naman talaga lahat ay kinopya, kasi yung laman ng  libro ay  iba-iba ang kuwento. Like sa isang rule, merong dalawa hanggang tatlo ang kuwento,”  saysay pa ni Claudine ngadto sa mga sakop E-Group atol sa press conference nga gidumala ni Josie S. Pereyra sa  JSP Ads & Promotions niadtong Lunes sa hapon

Naka-sentro ang Etiquette For Mistresses sa istorya sa magbarkada nga mga malampuson sa ilang mga career, apan kabit sila sa istado sa ilang lovelife. Sila mao si Georgia (Kris), Chloe (Claudine), Stella (Iza), ug Charley (Cheena) kung diin ilahang giyahan si Ina (Kim) sa ilang kalibutan.

Ubay-ubay sila og mga naagian aron maangkon ang butang nga makapalipay kanila, ug dinhi mulutaw nga dili tanang kabit ang managsama og istorya.

Ang uban misunod sa tradisyon ug sa gitawag nga “etiquette” apan dunay uban ang dili motuman sa pamaagi.

Suma pa ni Claudine nga makuryuso gyud ang mga tawo sa titulo sa pelikula apan iyang gipasalig nga duna’y dakong pagtulun-an nga mapupo ang mga tawo nga motan-aw niini.

“Hindi po magpalabas ng pelikula ang Star Cinema kung wala tayong matutunan sa huli. Sa paglabas ninyo sa mga sinehan, baon ninyo ang mga mahalagang bagay na puwede ninyong i-apply sa totoong buhay,” saysay pa ni Claudine.

Dugang pa ni Claudine nga usa sa leksyon nga makuha sa maong pelikula mao nga dili lalim ang usa  ka kabit, busa mas maayo nga dili na lang gyud mosulod sa maong butang gumikan kay gamay ra ang porsiyento nga pilion sa lalaki ang ilang kabit. Kasagaran sa mga lalaki, mopili gyud sa ilang asawa human sila makaamgo sa ilang sayop.

“Pag pinanood ninyo ang Etiquette For Mistresses, masasabi mo na dapat hindi pasukin ang bagay na makakasira ka ng pamilya. Sa mga taong papasok pa lang sa bagay na yan, meron na silang basis na hindi nila ito dapat ituloy. Marami tayong matutunan, isa na dito na dapat yung mga asawa, alagaan nila ng maayos ang kanilang husband,” nagkanayon ang aktres.

Dakong kalipay ni Claduine  nga nalakip siya sa maong proyekto gumikan kay   dugay na siya nga gimingaw nga malakip og balik sa pelikula. Katapusang nilugwa si Claudine  sa pelikulang In Your Eyes niadtong  2011.

Samtang ang Sugbuanong aktres nga si Kim nisaysay ngadto sa E-Group nga lahi ang Etiquette for Mistresses ug dili kini common nga dagan sa istorya  sama sa ubang pelikula nga duna gihapo’y tema sa kabit.

“Diba may kasabihan tayo na ‘Don’t judge the book by its cover. Hindi siya yung typical na mistress movie, tumutukoy ito sa friendship, sa larangan ng pagmamahal at resulta kung papasok ka sa isang bagay na alam mo naman na hindi tama,” suma pa ni Kim.

Dugang pa sa aktres nga dili lalim ang iyang naagian sa shooting sa maong pelikula gumikan kay dili man siya hilig moinom og makahubog  apan  gikinahanglan kini sa usa ka eksena.

“Isa sa mahirap na eksena yung kasama ko si ate Claudine sa bar, na nag-iinuman kami, hindi ako lasenggera maong lisod gyud para nako. Niinom lang gyud ko gamay para mabuhat nako og tarong ang eksena, pero paghuman atu, ginalon pud nga tubig akong giinom, hahaha,” nagkanayon si Kim.

Lisod pud nga eksena alang kang Kim sa dihang nangayo siya og pasaylo kang Kris kung diin bug-at gyud nga emosyon ang gitagana niya niini.

“Lisod pud uy, giingnan pa gyud ko ni Direk Chito nga nigawas na pud ang pang-soap opera nako nga acting,” matud pa niya.

Nagkanayon si Kim nga lahi-lahi ang estilo sa pag-arte sa pelikula ug sa soap opera gumikan kay nagbase kini sa mga anggulo ug sa gidaghanon sa kamera.

Mapasalamaton si Kim ni direk Chito gumikan kay nahatagan gyud kini og dakong pagiya kaniya aron matarong gyud niya pag-portray sa iyang role sa Etiquette for Mistresses.

Gipasigarbo sa aktres nga duna’y Sugbuanong awit ang madunggan sa maong pelikula ug kini mao ang mga produkto sa VisPop nga naglangkob sa Duyog ug Labyu Langga.

Nasayran nga nakahilak gyud si Claudine sa dihang gikanta ni Kim sa usa ka eksena sa pelikula ang Duyog nga orihinal nga giawit ni Jewel Villaflores.

Sa dihang nahinabi sa Banat News Hugyaw si Jewel kalabot niini, puwerti niyang lipaya gumikan kay usa kini sa mga instrumento alang sa dugang pagpalambo sa music industry sa Sugbo.

Ang laing aktres nga si Iza nibutyag usab ngadto sa E-Group nga layo ra gyud ang iyang role sa tinud-anay niya nga kinabuhi busa dakong hagit usab kaniya ang pagkalakip niya sa maong proyekto.

“Sa personal kasi, makulit ako na tao, at dito naman sa pelikulang ito, isa akong abogada  kaya seryoso talaga siya,” matud pa niya.

Usa sa labing bug-at nga  gibuhat ni  Iza mao ang eksena nila ni Helen Gamboa kung diin naabtan gyud og alas kuwatro sa kadlawon ang pagama niini gumikan kay napuno kini sa emosyon.

Gipasalig ni Iza ngadto sa publiko nga dili gyud magmahay kung makakita sa pelikulang Etiquette for Mistresses gumikan kay aduna gyud kini mahagpat nga mga pagtulun-an.

“If you leave the cinema, meron kang ma-learn tungkol sa life, at masasabi mo na right o wrong ba ang ginagawa mo,” nagkanayon si Iza.

Gidumogan sa mga tawo ang  paghimamat nila ni Kim, Claudine ug Iza sa mga Sugbuanon nila nga fans niadtong Lu

My favorite DJ

As of September 29, 2015 / 2pm

1. James Spider (MOR 97.1)  3, 859 likes

2. DJ Kimyat (MOR 97.1)      2, 588 likes

3. DJ Ru (Oomph Radio 105.1)          2,077  likes

4. Piolo Askal (Barangay RT 99.5)     315 likes

5. Prinsepe Amante (Brigada News FM 93.1)      311 likes

Hukman na ugma!

Napili na  pinaagi sa text votes ang Top 5  nga maoy mupadayon sa laing hugna ug maoy hingpit nga magtigi pinaagi sa pagpadaghanay na og likes sa official Facebook page sa  Banat Hugyaw sulod sa duha ka semana.

Ang pag-like sa hulagway sa paborito ninyo nga DJ kutob lamang ugma,  October 1 , Huwebes sa alas dos sa hapon.

Pwes ipadayon ang suporta sa imong paborito aron mapili ang “My Favorite DJ” karon nga season. pinaagi sa pag-like sa atong FB page aron maka like ka sa hulagway sa imong idolo.

Busa i-like ang Banat News Hugyaw – BNH sa Facebook NOW NA!

vuukle comment

ACIRC

ANG

CLAUDINE

GYUD

IZA

KIM

KINI

MGA

NBSP

NGA

PELIKULA

Philstar
x
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with