Magbaha ang daring scenes

CEBU, Philippines – Gibutyag sa direktor sa seryeng My Faithful Husband nga si Direk Joyce Bernal nga nagbaha ang daring scenes sa maong serye nga gibidahan nila ni Jennylyn Mercado ug Dennis Trillo. Ang maong serye nagsugod na kagabii.

Sef ug Max magpares

Si Max Collins maoy leading lady ni Sef Cadayona sa umaabot nga programa sa GMA-7 nga Juan Tamad. Ang maong show magsugod na karong August 23.

Nahimuot sa bashers

Nahimuot si KC Concepcion sa mga himantayon nga padayon nga nangatake kaniya. “Flattered ako sa mga atensyon, mga teh!”, hirit pa sa aktres.

Resulta sa paningkamot

Malipayon si Bea Alonzo gumikan kay duna gyud siya’y nakita sa iyang hinaguan sa showbiz. Kasamtangang nagpuyo ang aktres sa usa ka dako nga subdivision sa Quezon City

Gidayeg sa viewers

Nagmaya ang pamilyang Gutierrez gumikan sa paghangop sa viewers sa ikatulong season sa family reality show nga It Takes Gutz to be a Gutierrez sa E! Asia Channel.  Malantawan sa maong show ang pagkamapinanggaon nga inahan ni Annabelle Rama ngadto sa iyang mga anak.

Sarah nagpaklaro na?

Nahugyaw ang viewers sa ASAP niadtong Domingo gumikan sa paglugwa ni Sarah Lahbati sa maong show. Giingong mao na kini ang senyales nga matud pa mobalhin sa ABS-CBN si Sarah. Kahinumduman nga taud-taud na nga na-expire ang kontrata sa aktres sa GMA-7.

Nora mag-topless

Usa sa gipangandaman ni Nora Aunor mao ang umaabot niya nga indie film nga Tasaday. Suma pa sa report nga dunay eksena si Nora nga mag-topless.

Pacman-Willie show

Gidungog karon nga mag-uban sa comedy show sa GMA-7 sila si Willie Revillame ug ang boxing icon nga si Manny Pacquiao. Suma pa nga gihan-ay na lang ang mahimong timeslot niini.

Bag-ong putahe

Gitataw ni Megan Young nga moderno ang presentasyon sa Marimar kung diin siya ang bida. Susama gihapon ang dagan sa istorya apan duna’y kabag-ohan sa set.

Iñigo nakauyon ni Ylona

Giangkon ni Iñigo Pascual nga giidolo niya si “Pinoy Big Brother” housemate Ylona Garcia gumikan sa kanindot sa tingog niini. Sa Instagram, gi-post ni Iñigo ang video kung diin nag-duet sila ni Ylona sa pagkanta og “We Are Never Ever Getting Back Together.” Nagtangag kini sa caption nga “Heard her singing while she was in the PBB house and was impressed! Saw her today and asked her if we could jam for a bit.”