Hiyas

CEBU, Philippines - Mubukal na ang inyong kahapunon sugod karong alas singko, sa hingpit na nga paglugwa sa dugay na nga gipaabot nga Precious Hearts Romances Present: Hiyas. Giisip nga labing mapangahas sa tanang PHR stories, kini maoy mumarka sa labing unang panagpares nila ni Zanjoe Marudo ug Megan Young. Niining istorya sa gugma, pagluib, pakigbisog ug baruganan, suportado sila si Zanjoe ug Megan sa hunk model nga si Edward Mendez ug sa Pinoy Indie Princess Mercedes Cabral. Pangitaa ang “Hiyas” sa ABS-CBN sugod karong hapon.

Phillip operahan ugma

Gikatahong ipaubos sa kidney surgery ang American Idol winner nga si Phillip Phillips ugmang adlawa. Suma pa sa tinubdan sa TMZ nga maabtan og pipila ka semana ang pagpaalim ni Phillip human sa operasyon. “Phillip's recovery is expected to take weeks -- as many as 6. But here's the good news. A honcho from the "A.I." production company has offered his home to Phillip and his parents for the entire recovery,” matud pa sa report sa TMZ. Matud pa nga hagbay ra diay unta operahan si Phillip apan wala kini mosugot kaniadto gumikan kay humanon gyud niini ang American Idol.

NGO nangayo og katin-awan sa AI

Tapos na ang Season 11 ng American Idol pero hindi pa tapos ang pagtatanong ng mga supporter ni Jessica Sanchez tungkol sa resulta ng botohan. Nakadawat og suwat ang American Idol producer nga si Nigel Lythgoe gikan sa mga opisyales sa Migrant Heritage Commission (MHC), Inc., usa ka non-profit ug non-governmental organization (NGO) didto sa Amerika.    Ang MHC mihangyo sa producer sa American Idol nga ipagawas gyud ang partikular nga nakuhang tagsa-tagsa nga botos nila ni Jessica Sanchez ug Phillip Phillips. "In the spirit of transparency and public trust, we are earnestly seeking an explanation as to how the judging of the winners are arrived at. How those 132,000,000 votes cast were reached, and as to how many went to the individual singers,” tipik sa suwat nga gipadala sa MHC ngadto sa procucer sa American Idol. Nasayran nga ang MHC misuporta kang Jessica apan giklaro niini nga igo ra sila nangayo og katin-awan sa indibidwal nga nakuhang botos sa duha ka singers.

Follower ni Willie

Usa ka fan ni Willie Revillame ang boyfriend ni Ai Ai delas Alas nga si Jed Alvin Salang. Giingong mibisita gyud si Ai-Ai ug ang iyang uyab sa buhatan sa Wil Events Place aron lang gyud makakita kang Willie sa personal.

Mosunod ang mga anak

Gikatahong mobalhin usab sa pag-rehistro dinhi sa Siyudad sa Sugbo ang mga anak ni Annabelle Rama nga sila si Ruffa, Richard ug Raymond Gutierrez. Matud pa nga maglisod na sila og usab sa hukom sa ilang inahan nga modagan pagka-kongresista karong 2-13 election.

Sid nailad sa babaye

Nagmagul-anon karong panahona si Sid Lucero gumikan kay third party ang hinungdan sa break-up nila sa iyang kanhi uyab. Suma pa ni Sid nga matinud-anon siya sa maong babaye apan sayon ra kaayo siya nga gilipat niini.

Selos dili katandog

Gipadayag ni Mark Herras nga normal lang nga maglalis sila ginagmay sa iyang uyab nga si Ynna Asistio gumikan sa selos apan masaligon sila nga dili maguba ang ilang relasyon gumikan niini. Matud pa ni Mark nga misamot kalig-on ang relasyon nila ni Ynna bisan pa man sa mga isyu nga ilang giatubang.

Wala na’y tsansa nga magbalik

Suma pa ni Heart Evangelista nga wala na gyu’y tsansa nga magkabalik sila ni Daniel Matsunaga gumikan kay tibuok na gyud ang ilang hukom nga magbuwag. Suma pa niya nga gisuwayan gyud nila kaniadto nga luwason ang ilang relasyon apan wala gyud kini magmalampuson.

Eula mihimak sa isyu

Giklaro ni Eula Caballero nga mag-barkada lang sila ni Ivan Dorschner: Suma pa niya nga dili angayan tuohan ang taho nga matud pa duna sila’y tinagoan nga relasyon ni Ivan.

Alessandra nasayod sa kamatuoran?

Manila,Philippines --- Dungan nga mi-guest sila si Alessandra de Rossi ug Sid Lucero sa Startalk sa miaging adlaw ug usa sa nahisgutan mao ang pagka-link sa pangalan ni Sid kang Heart Evangelista.

Suma pa nga samtang gihimakak ni Sid ang maong isyu, ni-react si Alessandra nga naghuwat pa niadtong higayona og cue aron tawagon. Matud pa nga si Alessandra ra’y nasayod sa tinuoray nga istado nila ni Heart ug Sid.

Grace nagbasol sa tubag

Nagbasol si Grace Lee kung nganog natubag pa gyud niya ang pangutana kung unsa nga pagkaon nga mahimo niya nga makumparar kang Pres. Noynoy Aquino.

Nitubag si Grace og cheese fondue gumikan kay simple lang kini nga lotuon apan lami ug lawom ang buot pasabot sa maong pagkaon. Apan ang maong mensahe maoy nagkatap og na-headline sa mga balita . Matud pa niya nga maayo pa nga wala na lang unta niya kini tubaga. Busy karon si Grace sa pag-promote sa bag-o niya nga Cooking with the Stars nga magsugod na karong adlawa sa GMA 7. Mabinantayon na karon si Grace sa pagtubag og pangutana kalabot ni PNoy. (Sol Gorgonio/ PSN)