CEBU, Philippines - Busy matud pa si Amanda Colley Van Cooll pag-asikaso sa ilang yuta didto sa Mindoro. Kini maoy katapusang impormasyon nga nasayran ni Justine Ferrer. Sila si Jef Gaitan ug Marvin Keifer dunay Dear Friend episode. Si Suzuki Sadutsaga, kanhi apil sa Tweetbiz, pero natsugi, ug gikatahong may himuon nga children’s show. Si Shaun Rodriquez lakip sa cast sa Gumapang Ka sa Lusak ug si Tara Matias nanganak na. Kini ra maoy nasayran ni Justine, wala na matud pa siya makahibaw hain na ang uban niyang mga kauban sa Survivor Philippines Palau, busa nanghinaot siya nga duna silay reunion aron magkita-kita silang tanan pagbalik.