MANILA, Philippines - Seen : Tempting ang offer ng ABS-CBN kay JC de Vera. Ayaw ni JC na iwanan ang GMA 7 ngunit ang desisyon ng kanyang manager ang masusunod. Si Annabelle Rama ang manager ni JC.
Scene : Abswelto si Princess Revilla sa demanda ng kanyang kasambahay. Abswelto man, nakatatak sa utak ng publiko ang maraming beses na pagkakasangkot ni Princess sa mga isyu ng pananakit sa kasambahay.
Seen : Naka-confine pa rin si Senator Jinggoy Estrada sa Cardinal Santos Hospital. Birthday niya sa February 17 at may birthday celebration siya sa February 20. Good health para kay Jinggoy ang birthday wish ng kanyang mga kaibigan.
Scene : Ang unveiling bukas ng billboard ng Totoy Bato sa GMA 7 building at Edsa. Kasabay ng billboard unveiling ang photo exhibit ni Robin Padilla.
Seen : Ang jampacked crowd sa concert ni AiAi delas Alas sa Ai-Sarap. Tagumpay ang kanyang Valentine concert kagabi.
Scene : Three months pregnant si Cheska Garcia sa first baby nila ni Doug Kramer. Magkakaroon na si Patrick Garcia ng pamangkin na puwedeng pagbuhusan ng atensyon dahil hindi pa niya nakikita ang love child nila ni Jennylyn Mercado.
Seen : Sina Katya Santos, Maui Taylor at Andrea del Rosario ang mga cover girl ng March issue ng FHM. Blast from the past!
Scene : Nakukulangan sa acting ni KC Concepcion ang mga nanood ng When I Met U at may mga eksena na pagod na pagod ang kanyang mukha.
SEEN : Negative ang resulta ng drug test kay Mark Herras at sa iba pang artista ng GMA Artist Center na nagsadya sa Camp Crame noong Huwebes.