Dalagita na nais kumalas sa nobyo, pinatay

MANILA, Philippines — Hindi umano matanggap ng isang 21-anyos na binata ang pakikipagkalas ng 16-anyos na nobya kaya’t nagawa niya itong patayin at ang bangkay ay itinapon sa isang bakanteng lote sa Brgy.Darasa,Tanauan City, Batangas, nitong Lunes ng alas-11:00 ng gabi.

Ayon sa suspek,nagdilim ang paningin niya nang saktan siya ng dalagita at gustong maki­paghiwalay sa kaniya.Kaya’t sinakal niya ito, pinagsamantalahan at sinaksak.

Ayon sa pulisya na may hinala na sila na ang nobyo ang may kagagawan ng krimen dahil ito pa ang nagsabi kung nasaan ang dalagita dahil sa tracking umano ng cellphone.

Una, nagpaalam ang biktima sa pamilya na katatagpuin ng hapon noong Lunes ang nobyo, pero hindi na siya nakauwi kinagabihan.

Sa imbestigasyon ng pulisya, nakita sa palitan ng mensahe ng dalawa sa cellphone ang pag-aaway ng magkasintahan dahil sa lalaking nakilala ng biktima.

Mahaharap sa reklamong murder ang suspek.