Kelot, tinadtad ng bala sa Rizal
MANILA, Philippines — Isang hindi pa kilalang lalaki ang natagpuang patay makaraang tadtarin ng bala sa katawan, sa Barangay san Isidro, Rodriguez, Rizal, Biyernes ng gabi.
Agad na nasawi ang biktimang inilarawang nakasuot ng blue t-shirt, itim na maong na pantalon, blue ang sombrero, nasa 35-40 ang edad, 5-6’ -5’8 ang taas.
Ayon sa Rodriguez Municipal Police Station, naganap ang pamamaril alas-10:30 ng gabi ng Abril 19, 2024, na naiulat lamang sa pulisya alas-12:30 ng madaling araw ng Abril 20, sa Block 8 Southville 8-C, Brgy. San Isidro, Rodriguez, Rizal.
Sa inisyal na ulat, mag-isang naglalakad sa nasabing lugar ang biktima nang sumulpot umano ang gunman at pinagbabaril ang biktima ng makailang ulit.
Hiniling na ng Rodriguez Police sa Rizal Provincial Forensic Unit para sa technical investigation sa insidente.
- Latest