HS student, 3 pa tiklo sa droga
CAVITE, Philippines — Arestado ang isang 18-anyos na senior high school student at tatlo pang kapwa kabataan matapos silang mahulihan ng droga sa isinagawang buy-bust operation ng pulisya kamakalawa ng gabi sa Brgy. Bucandala 2, Imus City.
Kinilala ang mga suspek sa mga alyas na “Sam”, senior high school student, residente ng Brgy. Bucandala 2, Imus City, Cavite; “Paulo”, 19-anyos; “Harvey”, 18, ng Brgy, Alapan, Imus City, at “Angelo”; pawang nasa talaan ng “Street Level Drugs Individual” ng pulisya.
Sa ulat, alas-9:10 ng gabi nang ilatag ng Imus Drug Enforcement Unit ang buy-bust laban sa mga suspek.
Nang magpositibo ang transaksyon, agad na inaresto ang apat at nakumpiska ang mahigit sa 80 gramo ng marijuana na naka-repack sa 16 plastic sachet at mga drug paraphernalia.
- Latest