6 katao timbog sa drug ops

BULACAN  , Philippines  —  Anim na katao kabilang ang dalawang babae ang magpapalipas ng bagong taon sa kulungan matapos silang maaresto sa isinagawang anti-drug operation ng pulisya sa ilang bayan dito, Sabado ng magdamag. Kasalukuyang nakaditine ang mga naarestong suspek na sina Alvin Espinosa, 26; Carmelo Ignacio, 37; Luisito Pascual, 35; kapatid nitong si Martin Pascual, 33; Analiza Torres, 57, at Jennalyn Torres, 26,  mga residente ng mga bayan ng Paombong, Obando at Baliwag.

Sa ulat sa Kampo Alejo Santos, nagsimula ang operasyon dakong alas-10:00 ng gabi sa iba’t ibang lugar sa mga naturang bayan na nagresulta sa pagkakaaresto ng anim na suspek at pagkakasamsam ng 12 sachet ng shabu at marked money na ginamit sa magkakasunod na operasyon.