Drug suspek dedo, pulis sugatan sa shootout sa Bacoor
MANILA, Philippines — Napatay ng mga otoridad ang isang drug suspect habang sugatan naman ang isang tauhan ng Bacoor City Police nang mauwi sa barilan ang search warrant operation ng pulisya sa Brgy. Panapaan 8 ng lungsod, sa lalawigan ng Cavite, kamakalawa ng umaga.
Bumulagta noon din ang suspek na si Ronald Allan Cuevo Samson, 54, may asawa at residente ng Talisay St., Meadowood Subdivision.
Ayon sa ulat, dakong alas-6:00 ng umaga, bitbit ng mga pulis ang search warrant para sa suspek sa kasong paglabag sa RA 9165 at RA 10591.
Subalit ‘di pa man nakakalapit sa bahay ng suspek ang mga pulis ay agad silang sinalubong ng sunud-sunod na putok na agad namang ginantihan ng pulis na nagresulta sa pagkasawi ng suspek at pagkasugat ni PO1 Gawon na agad namang naisugod sa pagamutan.
Nakuha mula sa suspek ang isang .45 caliber pistol na may mga bala, mga basyo ng bala ng 9mm at apat na heat-sealed transparent plastic sachet na shabu.
- Latest