Bagong layang drug suspek, tinodas

TUGUEGARAO CITY, Cagayan  , Philippines  — Panandaliang kalayaan lamang ang natikman ng isang bagong layang drug suspect nang pagbabarilin siya ng isang di natukoy na gunman habang bumibili ng sigarilyo sa isang sari-sari store sa Barangay Centro 10 ng lungsod na ito noong Sabado. Ayon kay City Chief of Police Supt. Edward Guzman na agad na tumakas ang suspek na bumoga sa ulo ng biktimang si Clifford Bares, 48-anyos sakay ng traysikel habang nagkakagulo at nagsisigawan ang mga tao sa lugar dakong tanghali. 

Narekober sa pag-iingat ni Bares ang mga kopya ng kanyang paglaya mula sa kulungan kalakip ang dismissal ni Tuguegarao City RTC Judge Jezarene Aquino sa kanyang kasong may kaugnayan sa droga noong Marso 9, 2018. Isinasagawa ng pulisya ang masusing pagsisiyasat sa nangyaring krimen.