Drayber inutas sa harap ng paaralan

TUGUEGARAO CITY, Cagayan, Philippines - Nagbunga ng ma­tinding takot at pangamba ang pagpatay sa 47-anyos na drayber matapos itong ratratin ng riding-in-tandem assassins habang nagbababa ng mga estudyante sa kanyang jeepney sa harap ng paaralan sa Barangay Olango, bayan ng Mallig, Isabela kahapon ng umaga. Kinilala ni P/Supt. Manuel Bringas ng Isabela PNP ang napatay na si Arnulfo Berban ng Barangay Manano.Lumalabas sa imbestigasyon na hinintuan ng gunmen si Berban saka niratrat.Nagkagulo ang mga estudyante sa Mallig National High School na nagsasagawa ng flag ceremony.? Nagsitakbuhan at nagsisigawan ang mga kabataan kaya sinamantala ng gunmen na palakad na tumakas. Sinisilip ng mga tauhan ni P/Senior Insp. Rexson Casaway ang anggulong personal na alitan at love triangle bilang motibo sa krimen.