Ika-5 balasahan sa PNP, ipinatupad
MANILA, Philippines — Ipinatupad nitong Martes ni Philippine National Police (PNP) chief PGen. Rommel Francisco Marbil ang ikalimang balasahan kung saan anim na matataas na opisyal ang inilipat ng puwesto.
Batay sa inilabas na general orders na epektibo nitong Mayo 14, inilipat sa Directorate for Personnel and Records Management (DPRM) si PBrig. Gen. Kirby John Kraft na mula sa Police Regional Office 13 o CARAGA region.
Papalitan si Kraft ni PBrig. Gen. Alan Nazarro mula sa Highway Patrol Group (HPG) at papalitan naman siya ni PBrig. Gen. Jay Cumigad na mula naman sa Directorate for Plans (DPL).
Si PCol. Rudencido Reales mula sa Police Regional Office 3 o Central Luzon ay inilipat sa Directorate for Comptrollership habang magpapalit lamang ng puwesto sina PCol. Bernardo Perez mula sa Directorate for Information and Communications Technology Management (DICTM) at PCol. Edwin Quilates mula naman sa PNP Training Service.
Una nang ipinaliwanag ng PNP na ang pagpapatupad ng revamp ay bunsod ng pagreretiro ng ilang matataas na opisyal sa kanilang hanay.
- Latest