Mga baguhang artista, kailangang mag-double time

Tulad sa sinulat ko sa PSN (Pilipino Star NGAYON), ngayon ko lang na-enjoy ang TV watching ha. Kahit pa nga sabihin na half of my life nasa showbiz ako.

Kaya nga, ang dami ko na palang stars na hindi kilala, iyong mga bagong discover pa lang.

In fairness, mga pogi at beautiful iyon mga bago ha, na sana mabigyan talaga ng break at sumikat.

Sure na iyon mga discovery ng GMA na mabibigyan ng roles sa mga serye ng Channel 7 kaya ok na sila.

Iyon mga ibang hindi pa matatag ang kinalalagyan, iyon ang medyo nakakatakot kung may mararating.

Kailangan talaga na mag-doble tiyaga at huwag magmadali ang mga bagong stars.

Asahan lang nila na medyo mahihirapan sila sa ngayon. Pero basta may patience sila, marami pa rin naman na talagang gumagawa ng magagandang projects.

Bongga.

Hay naku, talagang TV na lang ang pinagkakaabalahan ko ngayon.

Noon kasi, lagi akong nasa labas at aligaga sa mga raket, pero nga­yong tumanda na ako, ito at lagi na lang akong nasa bahay unless may rampa ako kasama ang Sushi group.

Bongga. I have all the time now para talagang i-enjoy ang buhay bagama’t may boring factor din dahil nga minsan mami-miss mo ring maging busy.