Junior Altas pasok sa Final Four

MANILA, Philippines — Pasok ang University of Perpetual Help System DALTA sa Final Four matapos sibakin ang San Beda University, 93-71, sa quarterfinals ng NCAA Season 102 juniors basketball tournament Martes sa FilOil Arena sa San Juan City.
Nagsalpak si Brent Rosales ng apat na three-pointers at tumapos na may game-high 19 points para banderahan ang Junior Altas.
May ambag na 14 markers si Brian Orca Jr. kasunod ang tig-12 points nina Loiue Rosales at Sizco Roquid.
Ito ang ikatlong Final Four appearance ng tropa ni coach Joph Cleopas sa nakaraang apat na taon tampok ang paghahari sa NCAA Season 100.
Matapos magtabla sa 12-12 sa first quarter, isang 17-2 atake ang pinamunuan ni Rosales para sa 34-19 bentahe ng Junior Altas.
Tuluyan nang ibinaon ng mga bataan ni Cleopas ang Red Cubs sa 47-24 para selyuhan ang kanilang panalo.
Lalabanan ng Junior Altas sa best-of-three semifinals series ang La Salle Greenhills Greenies.
Nailusot ni Junior Altas team captain Louie Rosales ang kanyang layup laban sa San Beda University Red Cubs defenders.
- Latest
















