Cignal HD humugot pa ng 2 UAAP standouts

MANILA, Philippines — Lalo pang nagpalakas ang Cignal HD matapos humugot ng dalawa pang key players para sa mga susunod na torneong lalahukan nito.

Kinuha ng HD Spi­kers sina opposite hitter JM Ronquillo at middle blocker Martin Bugaoan na malaki ang maitutulong sa kanilang tropa.

Sina Ronquillo at Bu­gaoan ang ikalawa at ikatlong dagdag sa lineup ng Cignal matapos unang hugutin si UAAP Season 86 Finals MVP Joshua Retamar ng National University.

Naglaro si Ronquillo para sa De La Salle University na nakaabot sa Final Four sa dalawang nakalipas na seasons.

Sa kabilang banda, si Bugaoan, ang nakababatang kapatid ni Cignal HD Spiker JP, ay naglaro para sa Far Eastern University.

Itinanghal itong 1st Best Middle Blocker sa UAAP Season 86.

“Hopefully, these three will be here for the long haul and help us reach our goals each conference and season,” ani Cignal HD Spikers head coach Dexter Clamor.

Sariwa pa ang Cignal sa matamis na kampeo­nato sa Spikers’ Turf Open Conference.

Target ng HD Spikers na madugtungan ito sa Invitational Conference na hahataw sa Oktubre.