Biado bibida sa PHL sa CPBA 9-Ball meet
MANILA, Philippines — Ibabangga ng Team Philippines si former World 9-Ball champion Carlo Biado pagharap nila sa Team Chinese Taipei sa pagtulak ng 2024 CPBA 9-Ball Teams Invitational tournament sa Mayo 27-29 sa New Taipei City, Taiwan.
Kakampi ng 40-anyos Pinoy cue artist na si Biado sina Johann Chua, James Arañas, Jeffrey Ignacio at Bernie Regalario.
“We hope to do well in this event. It is big honor to represent the country in the Asia Supremacy billiards match,” ani Biado na nagkampeon sa World 9-Ball Championship sa 2017 at sa World 10-Ball Championship ngayong taong.
Si Chua ay two-time All Japan Championship winner at miyembro ng PH team na nanalo sa 2022 World Team Championship kasama sina Biado at Rubilen Amit.
Nanguna rin si Chua sa 2023 World Cup of Pool kasama si Arañas.
Pinangunahan naman ni Ignacio ang 2024 Indonesia International 10-Ball Open sa Jakarta, Indonesia na ginanap noong Enero.
Naging runner-up kay Biado sa 2nd Chinese Taipei Open 9-Ball Pool Championship si Regalario.
Ibabandera ng Chinese Taipei sina Ko Ping Chung, Chang Jung Lin, Chang Yu Lung at Wu Kun Lin at Ko Pin Yi, na nanalo ng tatlong world title noong 2015, kabilang ang World 10-Balll Championships kung saan tinalo niya si Biado sa finals, 11-9.
- Latest
