Philippines poomsae sumikwat ng 7 medalya sa Asian tilt

MANILA, Philippines —  Humakot ang national taekwondo poomsae team ng isang ginto, isang pilak at limang tansong medalya sa 2024 Asian Taekwondo Poomsae Championships na ginanap sa Da Nang, Vietnam.

Galing ang nag-iisang gintong medalya sa over-17 freestyle mixed team kung saan nangibabaw sina Darius Venerable, Justin Kobe Macario, Juvenile Fate Crisostomo, Zyka Angelica Santiago at Stella Nicole Yape sa naturang event.

Nakasiguro rin ang World Combat Games gold medalist na si Venerable ng tanso sa freestyle mixed pair O17 event kasama naman si Janna Dominique Oliva.

Ibinigay naman ni SEA Games veteran Ernesto Guzman Jr. ang nag-iisang pilak ng Philippines nang pumangalawa ito sa  men’s recognized individual event.

Wagi rin ng tansong medalya si Justin Kobe Mariano sa Freestyle Individual O17 Male event.

Sa kabilang banda, umani si three-time Southeast Asian Games gold medalist Jocel Lyn Ninobla ng dalawang tanso sa Recognized Individual U30 Female at Recognized Team U30 Female events kasama sina Ma. Nicole Labayne at Sofia Ysabelle Sarmiento.

Nagdagdag ng tanso si June Ninobla sa Recognized Individual U60 Male event.

“It was only a dream, now we’re fulfilling His purpose together. Always proud of you dad you’re my inspiration,” ani Jocel Lyn sa kanyang post sa social media.