Billiards at floorball sa PSA Forum ngayon

MANILA, Philippines — Tatalakayin ang pinakahuling kaganapan sa billiards at floorball sa Philippine Sportswriters Association (PSA) Forum ngayong araw sa conference hall ng Rizal Memorial Sports Complex sa Vito Cruz, Manila.

Bibisita si Sharks Billiards Association (SBA) Chief Executive at founder Hadley Mariano kasama si Chief Operating Officer Mark Orendain sa pang alas-10:30 ng umagang sesyon.

Ilalatag naman ni Philippine Floorball Association pre­­sident Ralph Ramos ang paglahok ng bansa sa Asia Oceania World Championship Qualification.

Sasamahan siya nina men’s floorball national team head coach Noel Alm Johansson at team captain Lucas Perez Oijvall sa programang inihahandog ng San Miguel Corporation, Philippine Sports Commission, Philippine Olympic Committee, Smart/PLDT, MILO at ArenaPlus, ang leading sports entertainment gateway sa bansa..

Ang weekly Forum ay naka-livestream sa PSA Facebook page fb.com/PhilippineSportswritersAssociation at isinasaere sa Radyo Pilipinas 2 at sa kanilang official Facebook page Radyo Pilipinas 2 sports.

Show comments