Nuggets binalikan ang Timberwolves
MINNEAPOLIS — Kumamada si Jamal Murray ng 24 points sa 117-90 pagganti ng nagdedepensang Denver Nuggets sa Minnesota Timberwolves sa Game Three para sa 1-2 agwat sa Western Conference semifinals series.
Kumolekta si three-time NBA MVP Nikola Jokic ng 24 points, 14 rebounds at 9 assists at may 21 mar-kers si Michael Porter Jr. sa pagbangon ng Nuggets mula sa 0-2 pagkakaiwan sa serye.
Nalimitahan si Anthony Edwards sa 19 points at may 14 markers si Karl-Anthony Towns sa panig ng Timberwolves.
Sa Indianapolis, ipinasok ni Andrew Nembhard ang isang 31-foot, tiebrea-king triple sa huling 16 segundo para sa 111-106 pagbawi ng Indiana Pacers sa New York Knicks sa Game Three ng kanilang Eastern Conference semifinals series.
Tumapos si Nembhard na may limang puntos at umiskor si Tyrese Haliburton ng playoff career-high 35 markers para sa 1-2 agwat ng Pacers sa serye.
- Latest