Delgaco pasok sa Paris Games

MANILA, Philippines — Gumawa ng kasaysayan si Joanie Delgaco matapos maging kauna-unahang Pinay rower na nagkwalipika sa Olympic Games.

Nagawa ito ni Delgaco nang humirit ito ng silya sa Paris Games kahapon ng umaga.

Tumapos si Delgaco sa ikaapat na puwesto sa women’s single sculls final ng Asian and Oceanian Rowing Olympic Qualification Regatta na ginanap sa Chungju, South Korea.

Nanguna si Anna Pra­katen ng Uzbekistan (7:31.28) habang puma­ngalawa si Shiho Yonekawa ng Japan (7:35.93) at ikatlo si Fatemeh Mojallal (7:37.07).

Sapat na ang kanyang fourth-place finish upang makapasok sa Paris Olympics.

“My whole body is a­ching, my legs and e­ve­rything but I told myself I can’t let them overtake me,” ani Delgaco.

Nagrehistro ang 25-anyos Pinay bet ng pitong minuto at 49.39 segundo sa final round.

Si Delgaco ang ikaapat na Pinoy rower at nag-iisang babae na nakapasok sa Olympics.

Makakasama nito sa listahan ng mga Olympic qualifiers sina Edgardo Maerina (1988 Seoul Ga­mes), Benjamin Tolentino Jr. (2000 Sydney Games) at Cris Nievarez (2021 Tokyo Games).