^

PSN Palaro

Butler-less Heat kontra sa Bulls; Pelicans sasagupa sa Kings

Pilipino Star Ngayon
Butler-less Heat kontra sa Bulls; Pelicans sasagupa sa Kings
Jimmy Butler.
Maddie Schroeder / Getty Images / AFP

MIAMI - Hindi makaka­laro si Jimmy Butler sa pag­sagupa ng Heat sa Chicago Bulls sa playoff para sa No. 8 seed sa Eastern Conference.

Nagkaroon kasi si Butler ng isang MCL injury sa first period sa naunang 104-105 kabiguan ng Mia­mi sa Philadelphia 76ers.

“I hope that I wake up tomorrow and can still stick-and-move. Right now, I can’t say that’s the case,” sabi ni Butler.

Ang mananalo sa pa­gitan ng Heat at Bulls ang maghahamon sa N . 1 Boston Celtics sa first-round playoff series.

Bukod kay Butler, hindi rin maglalaro para sa Miami si point guard Terry Rozier na may strained neck.

Wala rin sa aksyon si Heat shooting guard Duncan Robinson na may back injury, ngunit posibleng mag­laro laban sa Chicago.

Sinibak naman ng Bulls ang Atlanta Hawks, 131-116, tampok ang career-high 42 points ni guard Co­by White.

Maaaring resbakan ng Chicago ang Miami na nag­patalsik sa kanila sa 2023 play-in game.

“I remember that plane ride back home vividly, every­body was just frustra­ted,” ani Bulls guard DeMar De­Rozan. “That feeling sucked. I know for me that was one thing that was on my mind once I realized we were going back to Miami, not to have that same feeling.”

Samantala, paglalaba­nan ng Sacramento Kings at New Orleans Pelicans ang No. 8 spot sa Western Conference.

Ang magwawagi ang sa­sagupa sa No. 1 Oklaho­ma City Thunder sa first-round playoffs.

Sa opening round ng Eastern Conference ay mag­­tatapat ang No. 2 New York Knicks at No. 7 Philadelphia 76ers; ang No. 3 Mil­waukee Bucks at No. 6 Indiana Pacers; at ang No. 4 Cleveland Cavaliers at No. 5 Orlando Magic.

Ang Celtics ang unang nakakuha ng postseason spot at nagmamay-ari ng overall best record.

Sa Western Confe­rence first-round ay sasa­gu­pain ng No. 2 Denver Nuggets ang No. 7 Los An­geles Lakers; ang No. 3 Minnesota Timberwolves kontra sa No. 6 Phoenix Suns at ang No. 4 Los An­ge­les Clippers laban sa No. 5 Dallas Mavericks.

Ang lahat ng laro ay best-of-seven series.

vuukle comment

BUTLER

JIMMY

Philstar
x
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with