Perpetual Help naghahanda sa 50th anniversary
MANILA, Philippines — Ngayon pa lamang ay naghahanda na ang University of Perpetual Help System Dalta para sa pagdiriwang ng kanilang ika-50 anibersaryo sa susunod na taon.
Ito ang sinabi kahapon nina Vice President for Academic Affairs Dra. Marjorie Gutierrez-Tangog at UPHR VP for Sports Development Anton Tamayo sa Philippine Sportswriters Association (PSA) Forum sa conference hall ng Rizal Memorial Sports Complex.
‘”We are celebrating our 49th year and this is leading to our 50th year in what we call our ‘Road To Gold’ in 2025,” ani Gutierrez-Tangog. “Nagsimula na iyan this year and unti-unti na naming ni-launch like our alumnus taking an active role in our sports program like in the case of Scottie Thompson, who is now part of the coaching staff of the men’s basketball team.”
Idinagdag din ng Perpetual Help official sa public sports program na inihandog ng San Miguel Corporation, Philippine Sports Commission, Philippine Olympic Committee, MILO, PLDT/Smart at ng ArenaPlus, ang leading sports entertainment gateway sa bansa, ang paglulunsad sa Hunyo o Hulyo ng kanilang athletes’ quarters na isang 12th-storey building.
Ngunit ang tampok sa golden anniversary celebration ng Perpetual Help ay ang magandang performance ng Altas sa lahat ng sporting events.
Isa na rito ang men’s basketball team na hinahawakan ngayon ni Olsen Racela.
Sinabi ni Perpetual Help sports coordinator Frank Gusi na pangarap ni Perpetual Help chairman Dr/BGen. Antonio Tamayo na makopo ang kauna-unahang NCAA championship.
Dalawang beses minalas ang Altas sa NCAA Finals noong 1988 sa likod ni PBA great Bong Hawkins at noong 2004 sa pamumuno ni Noy Javier.
Bumabandera rin ang Altas sa chess, beach volleyball, table tennis at volleyball tournaments.
- Latest
