Perpetual kakapit sa liderato
MANILA, Philippines — Ang patuloy na pagsosolo sa liderato ang hangad ng University of Perpetual Help sa pagharap sa Mapua University sa NCAA Season 99 junior basketball tournament.
Nakatakda ang bakbakan ng Junior Altas at Red Robins ngayong alas-10 ng umaga matapos ang pagtutuos ng Letran Squires at Emilio Aguinaldo College Brigadiers sa alas-8 ng umaga sa Filoil EcoOil Arena sa San Juan City.
Magkikita sa alas-12 ng tanghali ang San Sebastian Staglets at Arellano Braves kasunod ang upakan ng San Beda Red Cubs at Lyceum Junior Pirates sa alas-2:30 ng hapon at pagtatapat ng St. Benilde Junior Blazers at Jose Rizal Light Bombers sa alas-4:30 ng hapon.
Hawak ng Perpetual ang 5-0 kartada kasunod ang Letran (4-1), Mapua (4-1), San Beda (3-2), San Sebastian (3-2), Jose Rizal (2-3), EAC (2-3), St. Benilde (1-4), Arellano (1-4) at Lyceum (0-5).
- Latest
