Chery Tiggo magsosolo; Creamline sasalang

MANILA, Philippines — Pupuntiryahin ng Chery Tiggo ang ikalawang sunod na panalo, habang sisi­mu­lan ng Creamline ang pag­­dedepensa sa korona sa 2024 PVL All-Filipino Con­­ference sa Smart Arane­ta Coliseum.

Haharapin ng Crossovers ang Strong Group Ath­­letics ngayong alas-2 ng hapon kasunod ang sal­­pukan ng Cignal HD Spi­kers at Akari Chargers sa alas-4 ng hapon.

Sa huling laro sa alas-6 ng gabi haharapin ng Cool Smashers ang Farm Fresh Foxies.

Umiskor ang Chery Tiggo ng 25-6, 25-15, 25-15 panalo sa Capital1 Solar Energy noong Martes.

Kumana para sa Crossovers ang bagong hugot na si Ara Galang na nagtala ng 12 points, habang may 11 mar­kers si Mylene Paat.

Sinabi ni coach Kungfu Reyes na epektibo ang tam­balan nina Joyme Ca­gande at Alina Bicar ha­bang hinihintay ang pagba­balik ni Jasmine Nabor

“Well executed iyong set play ni Joyme,” wika ni Re­yes kay Cagande na tu­mapos na may 6 sets. “We’re also happy nandiyan si Alina (Bicar), unti-unti nang nabubuo iyong Chery (Tiggo) na hinihintay namin.”