Clarin pinangunahan ang paboksing ng Sanman
MANILA, Philippines — Pinamunuan ni ni Games and Amusements Board (GAB) chairman Atty. Richard S. Clarin ang professional boxing event ng Sanman Promotions noong Febrero 13 sa Midas Hotel and Casino sa Pasay City.
Pumagitna sa main event ang panalo ni WBO No. 1, IBF No. 5 bantamweight at dating WBC/WBA interim champion Reymart Gaballo (27-1, 22 KOs) kontra kay dating WBA interim minimumweight champion Phai Pharob (35-4, 27 KOs) ng Thailand.
Ang panalo ay magbibigay kay Gaballo ng karapatan para hamunin si WBO bantamweight title holder Jason Moloney ng Australia.
Nagsilbi namang co-main event ang upakan nina KJ Cataraja (17-0, 13 KOs) at Jun Blazo (16-9-3, 12 KOs) na pinagwagian ng una via 8-round unanimous decision.
"The GAB congratulates our dedicated boxers and their undying passion to represent the country in the field of boxing. Mabuhay ang ating mga boksingero!" sabi ni Clarin.
Bahagi pa rin ito ng '3XPRO' advovacy ni Clarin na 'promote, professionalize, protect' ang Philippine sports.
- Latest
