SMB biyaheng finals
Phoenix humirit pa sa Magnolia
MANILA, Philippines — Sa unang laro, bumangon ang Phoenix mula sa 21-point deficit para resbakan ang Magnolia, 103-85, sa Game Three ng kanilang semis duel.
Pinigilan ng Fuel Masters ang pagpasok ng Hotshots sa PBA Finals matapos idikit sa 1-2 ang kanilang bets-of-five semis showdown.
“The target was to get Game Three. We’re not looking beyond Game Three, and now that Game Three is done we’re gonna prepare for Game Four,” sabi ni coach Jamike Jarin.
Iniskor ni import Johnathan Williams ang 13 sa kanyang 19 points sa second half bukod sa 15 rebounds, 4 assists at 2 blocks para sa Phoenix.
Nagdagdag si RJ Jazul ng 17 markers tampok ang limang three-point shots habang may tig-14 at 13 points sina Javee Mocon, Sean Manganti, Kenn Tuffin at Jason Perkins, ayon sa pagkakasunod.
Tumipa si import Tyler Bey ng 18 points at 12 boards sa panig ng Magnolia at may 17 markers si Paul Lee kasama ang apat na triples.
Dalawang beses ipinoste ng Hotshots ang 21-point lead, ang huli sa 47-26 mula sa free throw ni James Laput sa 5:46 minuto ng second quarter bago nakatabla ang Fuel Masters sa 54-54 sa 7:26 minuto ng third canto.
Mula rito ay tuluyan nang kumawala ang Phoenix sa pagtatala ng 85-71 sa 8:34 minuto ng fourth period sa likod ng tatlong dikit na triples ni Jazul.
Ang tres ni Manganti ang lalo pang nagpalubog sa Magnolia sa 99-83 sa huling 2:21 minuto ng bakbakan.
- Latest