^

PSN Palaro

Datu agaw-eksena sa panalo ng Elasto Painters sa Road Warriors

Russell Cadayona - Pilipino Star Ngayon

MANILA, Philippines — Nagpakitang gilas si rookie Keith Datu sa 113-101 panalo ng Rain or Shine sa NLEX sa Season 48 PBA Commissioner’s Cup kahapon sa Philsports Arena sa Pasig City.

Umiskor ang 6-foot-8 at No. 4 overall pick ng 11 points tampok ang tat­long three-point shots sa fourth period para sa ikalawang su­nod na ratsada ng tropa ni coach Yeng Guiao.

Humakot si import Tree Treadwell ng 23 markers, 18 rebounds, 4 assists at 2 blocks para sa 2-5 record ng Elasto Painters.

Nauna nang sinabi ni Guiao na ipapatawas niya si Datu na sa tuwing may la­ro sila ay nagkakasakit.

Ngunit kahapon ay nagtala si Datu ng 5 rebounds at 4 blocks sa loob ng 22 mi­nutong paglalaro.

May 2-5 baraha rin ang Road Warriors na bagsak sa ikatlong dikit na kamalasan sapul nang ipalit si im­port Stokley Chaffee, Jr. kay NBA veteran Thomas Robinson.

Inilista ng NLEX ang 11-point lead, 68-57, sa pag­­bubukas ng third period mula sa pagbibida nina Chaffee at Don Trollano.

Nakatalbla ang Rain or Shine sa pagtatapos ng na­sabing yugto hanggang kunin ang 109-97 bentahe buhat sa ikatlong tres ni Da­tu sa huling 1:47 minuto ng fourth quarter.

Samantala, magtutuos ang Barangay Ginebra at Phoenix ngayong alas-6:15 ng gabi sa FPJ Arena sa San Jose, Batangas.

Bitbit ng Gin Kings ang 4-1 kartada sa ilalim ng pu­­mapangalawang Fuel Mas­ters (5-1).

vuukle comment

SPORTS

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with