Meralco magsasalang ng bagong import
MANILA, Philippines — Kung hindi na makakalaro si import Suleiman Braimoh ay paglalaruin ng Meralco si East Asia Super League (EASL) reinforcement Zach Lofton sa kanilang kampanya sa Season 48 PBA Commissioner’s Cup.
Nagkaroon si Braimoh ng sinususpetsang torn Achilles sa 3:55 minuto ng fourth quarter sa 97-94 paglusot ng Bolts sa NLEX Road Warriors sa Philsports Arena sa Pasig City noong Linggo.
“We might have to consider Zach, and then keep an open mind that we might have to look for another import with size,” wika ni coach Luigi Trillo sa sasalo sa trabaho ng Nigerian-American.
Tumapos si Braimoh na may 38 points, 8 rebounds at 4 assists bago nagkaroon ng injury para sa 4-1 record ng Meralco kasosyo ang Barangay Ginebra sa second place sa ilalim ng Phoenix (5-1) at Magnolia (5-0).
Samantala, balak ipatawas ni Rain or Shine coach Yeng Guiao si rookie big man Keith Datu na hindi naglalaro sa huli nilang limang laban.
- Latest
