Garcia ‘Godfather’ ng TODO Para-triathlon team
MANILA, Philippines — Hindi matatawaran ang pagmamahal ni coach Vince Garcia sa TODO Para-triathlon team na kinabibilangan nina national standouts Al Fernandez at Calib Sim Jr. kasama sina Godfrey Taberna, Raul Angoluan at Jake Lacaba.
Ang 22-anyos na si Lacaba ang pinakabata ngunit ang pinakamatapang sa grupo.
Isinilang si Lacaba na walang kaliwang binti at nagtataglay ng bingot, ngunit hindi ito naging dahilan para harapin ang hamon at mapasama sa TODO Para-triathlon team noong 2021.
Napatunayan ni Garcia ang determinasyon ni Lacaba na makasali sa koponan.
Matapos pumayag sa kanilang pulong ay inasahan ni Garcia na sasakay sa bus si Lacaba paluwas ng Maynila ngunit sa halip ay nag-bike ang binata ng humigit-kumulang 130 kilometro para lamang personal na magpakilala.
Opisyal na naging triathlete si Lacaba nang lumahok sa kanyang unang individual race sa katatapos na New Clark City Triathlon sa Capas, Tarlac.
Sina Lacaba at Michael Bayani ay sumali sa individual short distance category sa 500m swim, 25K bike, at 6K run course at tumapos bilang first runner-up.
Nakumpleto nina Sim, Taberna at Angoluan ang long-distance relay category sa 900m swim, 50K bike, at 12K tumakbo ng kurso sa parehong karera.
Nagbebenta si Garcia ng eScooters para matugunan ang pangangailangan ng para-triathlon team.
Mula sa orihinal na presyong P35,000,mabibili ang bagong eScooter sa mas mababang halagang P25,000 na may kasamang 1-year warranty.
Sa mga interesadong indibidwal at grupo, maaaring magpatala para sa test drive sa Pedal Trap na may mobile no. 09178866341.
- Latest