Inihayag kahapon ng IOC Boxing Task Force na ang Amman, Jordan ang magiging bagong host ng Olympic qualifying.
STAR/ File
Pinas bigo sa hosting ng Olympic qualifying
Chris Co (Pilipino Star Ngayon) - January 26, 2020 - 12:00am

MANILA, Philippines — Pormal nang itinalaga ng International Olympic Committee (IOC) Boxing Task Force ang Jordan na maging kapalit na host country para sa 2020 Asia-Oceania Olympic qualifying tournament na nakatakda sa Marso 3 hanggang 11.

Inihayag kahapon ng IOC Boxing Task Force na ang Amman, Jordan ang magiging bagong host ng Olympic qualifying.

“After a careful review of all alternatives, the BTF (Boxing Task Force) approved the proposal of the Jor­dan Olympic Committee today, in order to confirm the competition dates and lo­cation as soon as possi­ble, in the best interest of the athletes preparing for the qualifier,” ayon sa statement ng IOC Boxing Task Force.

Magugunitang kinanse­la ng IOC Boxing Task Force ang event sa Wuhan, China matapos kuma­lat ang coronavirus kung sa­an ilan sa mga tinamaan nito ang namatay.

Kaya naman masusing pinag-aralan ng IOC ang su­nod na mga hakbang at nagdesisyong sa Jordan ganapin ang Olympic qualifying base sa inilatag na proposal ng Jordan Olympic Committee.

Kabilang ang Pilipinas sa mga pinagpilian ng IOC Bo­xing Task Force.

Subalit bigo ang Asso­cia­tion of Boxing Alliances in the Philippines (ABAP) na makuha ang boto ng Olympic body.

Pakay ng ABAP na ma­­lampasan ang bilang ng mga qualifiers noong 2016 Rio Olympics.

Nakahirit sina Southeast Asian Games gold me­dalists Ro­gen Ladon at Charly Sua­rez ng ti­ket sa Rio Games.

Ngunit parehong nabigo sina Ladon at Suarez na umabante sa medal round.

ABAP BTF IOC
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with