Greenies kinumpleto ang semis
MANILA,Philippines — Muling nilampaso ng College of St. Benilde-LSGH Greenies ang Arellano Braves, 66-52 para masungkit ang huling semifinal berth kahapon sa kanilang knockout playoff sa Season 95 NCAA Juniors basketball tournament sa The Arena sa San Juan City.
Umiskor ang rookie na si Jan Manansala ng 13 puntos, walong rebounds at dalawang blocks para muling iangat ang Greenies sa Final Four.
Haharapin ng Greenies ang top seed San Beda Red Cubs sa unang semis match sa alas-10 ng umaga sa Nobyembre 5 sa Cuneta Astrodome kung saan tangan ng Mendiola-based-cagers ang twice-to-beat bentahe.
Magtatagpo naman ang second seed Lyceum Junior Pirates at pumapangatlong San Sebastian Stagles sa ibang semis match sa ala-1 ng hapon.
Hawak naman ng Junior Pirates ang ikalawang twice-to-beat advantage.
Sa ibang laro, kinumpleto ng Red Cubs ang kanilang elimination round assignments nang muling igupo ang EAC Brigadiers, 73-64.
- Latest
