Batang Maynila
Tubong Leveriza si Caloy Yulo, ang bagong world champion natin sa larangan ng gymnastics.
First time na mayroong gymnast mula sa Southeast Asia na nanalo ng gold medal sa World Championships.
Napanalunan niya ito sa Germany noong Sabado ng gabi.
Last year, bronze medal si Caloy sa Doha, Qatar.
Ibig sabihin, patuloy and pag-improve ng 19-year-old na bata na anim na taon ang training sa Japan.
Doon kasi siya nakahanap ng magaling na coach.
Malaki ang pag-asa ni Caloy sa 2020 Tokyo Olympics at sa parating na SEA Games sa Maynila sa December.
Pitong events ang sasalihan niya at kaya daw ipanalo lahat.
Pero sa Olympics ang abangan natin. Baka naman masungkit na ng Pilipinas ang kauna-unahan nating gold medal sa Olympics.
Ngayon pa lang, may mga scholarship offers na raw mula United States.
Basta dalhin lang daw si Caloy doon at sagot na nila ang lahat
Pero nakakatakot dahil baka mamaya ay maagaw pa nila si Caloy sa atin.
Hindi mo masasabi.
Kaya mukhang tatanggihan niya ito.
Batang Maynila ito no!
- Latest