MANILA, Philippines — Asam ng San Sebastian Stags na mapanatili ang malinis na kartada kontra sa Lyceum Pirates sa Season 95 NCAA men’s basketball tournament sa FilOil Flying V Arena sa San Juan City.
Haharapin ng Stags ang Pirates ngayong alas-2 ng hapon matapos ang pagtatagpo ng Perpetual Help Altas at Jose Rizal Heavy Bombers sa alas-12 ng tanghali.
Target naman ng Letran Knights ang ikaapat na panalo laban sa Emilio Aguinaldo Generals sa alas-4 ng hapon.
Kung magwawagi ang Stags laban sa Pirates, hawak ang 2-1 marka, ay muling aakyat ang tropa ni coach Egay Makaraya sa liderato kasosyo ang three-peat champion San Beda Red Lions na tangan ang malinis na 3-0 record.
Pinataob ng San Sebastian ang Mapua, 92-68, at inilampaso rin ng Lyceum ang Mapua, 79-71.
Muling sasandal ang Stags kina RK Ilagan, Allyn Bulanadi, Alex Desoyo, Neil Villapando, Michael Calma at John Capobres katapat sina Jaycee at Jayvee Marcelino kasama sina Ralph Tansingco, Reymar Caduyac. Jeff Santos at Jayson David ng Pirates.