MANILA, Philippines — Magniningning ang opening ceremony ng PBA Season 44 dahil sa naggagandahang muses na paparada sa Linggo sa Philippine Arena sa Bocaue, Bulacan.
Nangunguna sa listahan si 2015 Miss Universe Pia Wurtzbach na magsisilbing muse ng Barangay Ginebra habang kinuha naman ng San Miguel Beer si 2016 Miss International Kylie Verzosa.
Kikislap din ang mundo ng Magnolia Hotshots dahil ipaparada nito si Megastar Sharon Cuneta samantalang nasa Phoenix Fuel Masters naman si Yam Concepcion na kasama sa teleseryeng Halik.
Inaasahang dudumugin naman si three-time UAAP MVP Alyssa Valdez na siyang muse ng NLEX Road Warriors gayundin sina Miss Globe-Philippines Michele Gumabao at Jasmine Alkhaldi dalawang muses ng Blackwater Elite.
Nasa Northport Batang Pier naman si 2018 Miss Tourism International participant Aya Fernandez.
Wala pang muse ang Talk ‘N Text KaTropa, Columbian Dyip, Rain or Shine Elasto Painters at Meralco Bolts.