Kobe Bryant malapit nang magretiro

LOS ANGELES --- Si­nabi ni NBA superstar Kobe Bryant ng Los Angeles La­kers na nakikita na niyang ma­tatapos ang kanyang NBA career.

Ito ang sinabi ng five-time champion na si Bryant sa isang panayam sa Jimmy Kimmel Live hinggil sa pagwawakas ng kanyang 17-year career.

“I have been very bles­sed to be with a fantastic or­ganization. I truly have and you know... It’s coming to an end and I’m happy that it will be with a Lakers uniform,” wika ni Bryant.

Nang tanungin ni Kimmel kung kailan ito mangya­yari, ang sagot lamang ni Bryant ay “It will be soon.”

“I don’t know, I’ve played 20 years. When I came to the league, I had an afro, and I can’t grow one now if I tried,” ani Bryant, nagtatala ng mga averages na 27.8 points, 5.4 rebounds at 5.7 assists.

Hindi rin itinago ni Bryant ang kagustuhan niyang makuha ang kanyang pang-anim na NBA championship na magtatabla sa kanya kay Chicago Bulls legend Michael Jordan.