Naglulutong-bahay bakit kumokonti na
SAPOL - Jarius Bondoc (Pilipino Star Ngayon) - January 24, 2020 - 12:00am

NAPANSIN n’yo rin ba? Hindi gaano naglulutong-bahay ang kabataan ngayon. Mas madalas sila kumain sa labas o magpa-deliver sa tirahan.

Sa konting saliksik, napag-alaman kong marami nang restoran, maging chain o specialty, ay nagde-deliver. Kum­binyente, anang mga inusisa ko, wala nang hugasing­ pinggan at kubyertos kaya mas mahabang oras mag-relax. Walang statistics sa Pilipinas, pero meron sa America, na malimit pagsimulan ng bagong trends. Anang U.S. Dept. of Agriculture, ang millennials ay 30% mas malimit sa bar o restoran kaysa ibang henerasyon. Mas konting oras ang ginugugol ng mga edad-25-40 kaysa nakakatanda sa paghanda ng pagkain sa bahay. Halos 13 minuto lang sila sa kusina araw-araw, na kung susumahin sa isang linggo ay mas konti nang isang oras kaysa Gen X. Kung nago-grocery mas marami ang binibili nilang handang pagkain, pasta, at matamis. Mas konting millennials, 64%, ang nagsasabing mahusay sila magluto, kaysa Gen X, 72%, at Baby Boomers, 76%. Marami sa kanila ay hindi alam ang iba’t ibang uri at gamit ng kutsilyo o kung ano ang almires.

Lima umano ang benepisyo ng lutong-bahay: (1) mati­pid, (2) malinis, (3) masustansiya, (4) malasa, (5) masaya. Hindi na totoo ‘yan.

Panahon na ng robot chefs; electronic kitchenware; maramihan kaya murang sangkap, panimpla at sisidlan­; at mahigpit na sanitasyon sa kusina. Mahuhusay ang chefs, inaanunsiyo ang calories, at iba’t iba ang lebel ng asim, tamis, o anghang. Napapabilis, napapamura, napa­pasarap, at napapalusog ang gawang restoran. Masaya rin naman mag-dine-out ang pamilya, huwag lang matrapik at puro nagte-text sa hapag kainan.

Hindi kataka-taka na ang Magnolia brand ng San Miguel ay maglalabas na ng bagong produkto: foods ready-to-eat. Adobo, sinigang, kaldereta, sisig, prito -- ibebenta nang mainit at isusubo na lang.

* * *

Makinig sa Sapol, Sabado, 8-10 ng umaga, DWIZ (882-AM).

LUTONG BAHAY
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with