Ex-Army na dumukot sa 15-anyos na lalaki, driver timbog sa PNP-AKG

MANILA, Philippines — Nadakip ng  Philippine National Police-Anti Kidnapping Group (PNP-AKG) ang isang dating sundalo na dumukot sa isang  15 anyos  na batang lalaki at driver nito  noong Enero  sa Pasay  City.

Batay sa report ng PNP AKG, si ­Alexander Sayson Anobling ay  naaresto  nitong Huwebes sa Pasay City.

Wanted ito sa  pagdukot sa 15-anyos na batang lalaki at driver nito noong Enero 14 sa Cartimar sa  Pasay City.

Isang araw matapos na dukutin,  agad namang  nailigtas ang  mga  biktima sa Tarlac City.

Nabatid na ang  warrant of arrest  laban kay Anobling  na dating miyembro ng Philippine Army member ay  inilabas ni Judge Jehan Sampac Hassiman ng Pasay City Regional Trial Court, Branch 11.

Kasalukuyang  nakapiit sa PNP-AKG sa Camp Crame si Anobling.