MMDA nagpatupad ng road reblocking, repair
MANILA, Philippines — Pinayuhan ng Metropolitan Manila Development Authority (MMDA) ang mga motorista na gumamit ng mga alternatibong ruta dahil sa isasagawang reblocking at repair ng Department of Public Works and Highways (DPWH) na nagsimula kagabi at matatapos sa Mayo 13 bandang alas-5 ng umaga.
Apektadong kalye ang EDSA southbound, pagkatapos ng Shaw Blvd. hanggang Boni Ave., sa harapan ng Petron Gasoline Station/VRP Medical Center, harapan ng 103 at 105 Building, harapan ng Fillinvest Bldg., sa kanto ng Boni Avenue, Mandaluyong City; Regalado Avenue (SB), Inner Lane patungo sa Commonwealth Avenue, Quezon City; Susano Road Novaliches, sa pagitan ng Heavenly Drive at Joyville Dr., Quezon City; G. Araneta Avenue, Del Monte Ave. hanggang Mauban St., 2nd Lane mula sa bangketa, Quezon City.
Gayundin ang Congressional Ave.Exit, malapit sa kanto ng T.M. Kalaw Street hanggang Brewing Point, Truck Lane, Quezon City; Payatas Road, Samar Street hanggang Leyte Street Inner Lane, Quezon City.
Makakaranas din ng bahagyang pagsisikip ng daloy ng mga sasakyan dahil sa road reblocking sa Commonwealth Avenue, Luzon Avenue hanggang Central Avenue, 3rd Lane mula sa bangketa, Quezon City; North Avenue (NB), bago mag-Senador Mirriam P. Defensor- Santiago Ave., 1st lane mula sa bangketa, Quezon City; Sto. Domingo Avenue, Simon Street hanggang Atok Street, 1st lane mula sa bangketa, Quezon City; Tandang Sora Avenue, sa pagitan ng Road 2 at Road 3, bago at makalagpas ng Road 2, pagitan ng Road 1 at Road 2 , Quezon City; EDSA (SB) J.P Rizal Avenue hanggang Orense, pagitan ng Cloverleaf at Bernardino St., Makati City; Fairview Ave., Doña Carmen hanggang Winston St., 1st lane mula sa bangketa, Quezon City.
- Latest
