Bike, puwede pa rin sa EDSA-Kamuning service road
MANILA, Philippines — Maaaring dumaan ang mga biskleta sa service road ng Edsa-Kamuning sa Quezon City, at mga motorsiklo lang hindi pinapayagan simula nitong Biyernes, paglilinaw kahapon ng Metropolitan Manila Development Auhtority (MMDA).
“Pwede po silang dire-direcho, yung mga nagbibisikleta,” pahayag ni MMDA Chairman Don Artes sa panayam ng radio network dwPM.
Mayroon naman, aniyang, designated bike lanes sa service road at doon lamang sila dadaan.
“Unang-una po, may bike lane diyan at hindi naman po gumigitna, hindi umaalis sa bike lane ang mga nagbibisikleta, unlike yung mga motor, nag-i-split po kasi sila ng lane,” ani Artes.
“Saka kaunti lang naman po sila, at kung pinaikot po natin sila, mas kawawa po ang mga nagbibisikleta,” aniya pa.
Sa halip naman na sa service road, pinadadaan ang mga motorsiklo sa alternatibong ruta tulad ng Scout Borromeo, Panay Avenue, Mother Ignacia Avenue at Scout Albano dahil nagpapasikip sila sa service road.
- Latest
