P741K droga nasamsam sa Pasay
MANILA, Philippines — Nasa P741,880 halaga ng shabu ang nasamsam sa isang high-value individual (HVI) drug suspect sa ikinasang buy-bust operation ng Pasay City Police Station-Drug Enforcement Unit (DEU) sa Pasay City, Miyerkules ng hapon.
Kinilala ang suspek na si alyas ‘Boss’, 37, na mahaharap sa reklamong paglabag sa Section 5 at 11 ng Republic Act 9165 (Comprehensive Dangerous Drugs Act of 2002).
Matapos makipag-ugnayan ang mga operatiba ng DEU sa Philippine Drug Enforcement Agency (PDEA), agad isinasagawa ang buy-bust operation dakong alas-12:30 ng hapon kamakalawa na nagresulta sa pagdakip sa suspek sa intersection ng Buendia at Roxas Boulevard, sa nasabing lungsod.
Nasamsam ang nasa 109.1 gramo ng shabu at narekober ang buy-bust money, habang kinumpiska naman ang cellphone ng suspek na ginamit sa pakikipagtransaksyon gayundin ang ginamit na motorsiklo nito.
- Latest
